baspaǵa shıǵarıw
Qaraqalpaqstan Respublikasındaģı jergilikli GʻXQ wákilleri, baspasóz xatkerler, jurnalist hám blogerlerdiń qatnasıwında Beruniy rayonınıń sotsiallıq-ekonomikalıq rawajlanıwı, ishki turizm hám ziyarat turizmi boyınsha press tur shólkemlestirildi.
Press turdıń birinshi mánzili Tómengi Ámiwdárya mámleketlik
biosfera rezervatı boldı. Bul jerde qatnasıwshılar rezervattag‘ı 1200 bastan
aslam Buxara sayg‘aqları hám olarg‘a qaratılıp atırg‘an itibar menen jaqınnan
tanıstı. Sonday-aq, Sultan
ways zıyarat ornı menen Pil qala esteligi press turdıń keyingi mánzilleri
boldı.
Kúnniń ekinshi yarımında press tur qatnasıwshıları Abu Rayxan Beruniydiń muzey kompleksinde boldı.Mag‘lıwmat ornında atap ótiw kerek Abu rayxan Beruniydiń topırag‘ı Awg‘anstannıń Gʻazna qalasınan «Babur» xalıqaralıq qorı tárepinen alıp kelinip áyyemgi Kat házirgi Beruniy rayonına qoyılg‘an.
Press tur
juwmag‘ında 4 sektor basshıları, mekeme hám kárxanalardan juwapkerler
qatnasında press-konferensiya shólkemlestirildi. Onda GʻXQ wákilleri, jurnalist
hám blogerler rayonda ámelge asırılıp atırg‘an jumıslar boyınsha juwapkerlerge
sorawlar menen múrájat etti.
Press-konferensiya
YOU-TUBE sosiallıq tarmag‘ında tikkeley efirge berildi.
Qaraqalpaqstan
Respublikası Ministrler Keńesi Málimleme xыzmeti