Qoraqalpog'iston Respublikasi Vazirlar Kengashida qish mavsumini samarali o'tkazish yuzasidan Respublika shtabi tashkil etildi.
Mazkur shtabda 24 soat davomida faoliyat yuritadigan 222-48-40 raqamli ishonch telefoni faoliyat olib boradi.
Ishonch telefoniga hududlarda uchrayotgan ichimlik suvi, tabiiy gaz, suyultirilgan gaz, elektr energiyasi hamda ko'mir ta'minotidagi muammolar yuzasidan to'g'ridan-to'g'ri murojaat qilishingiz mumkin.
Ma'lumot o'rnida: mazkur shtablarni Qoraqalpog'iston Respublikasi barcha shahar va tumanlarida tashkil etish bo'yicha vazifalar belgilab berildi.
Qoraqalpog'iston Respublikasi Vazirlar Kengashi Axborot xizmati